A Pastoriza é un concello situado ao norte da provincia de Lugo, no corazón da Terra Chá, conformado por 19 parroquias e unha extensión total duns 175 km cadrados.
Contou no ano 2010 cuns 3400 habitantes (aproximadamente), dos cales o 35% teñen máis de 64 anos, o que revela o fenómeno do envellecemento da poboación.
A principal actividade económica desta localidade é o sector primario baseado no gando bovino, principalmente na producción láctea, pero tamén a producción de carne se atopa en crecemento nos últimos tempos. Para ilustrar isto con cifras, podemos dicir que no ano 2010, A Pastoriza tiña case 550 explotacións, con máis de 23.000 cabezas de gando.
Mais non só de terra podemos falar na Pastoriza. Neste concello, a pesar de diferentes opinións, dise que nun lugar fermoso, chamado ‘’Fontemiñá’’ nace o pai de tódolos ríos galegos, o Río Miño.
Podemos descubrir este concello realizando rutas de sendeirismo e coñecendo as súas fermosas paisaxes; degustando os produtos propios nalgunhas festas gastronómicas, como a da "bola de liscos e freces" na Parroquia de Bretoña ou a Festa do Requeixo na Pastoriza; ademais, podemos pararnos a coñecer as súas xentes nas festas parroquiais que se celebran ao longo e ancho de todo o concello principalmente no verán.
No hay comentarios:
Publicar un comentario