Dende a
súa constitución, Agroamb desenvolveu programas de investigación con centros
tecnolóxicos e coas universidades galegas. Todos estes teñen unha finalidade:
que os lodos de depuradora e outros residuos pasen de ser un residuo a ser un
recurso.
Os proxectos de I+D+i
desenvólvense en dúas liñas básicas: o estudo dos efectos agronómicos dos lodos
nos diversos tipos de solo e, en segundo lugar, o estudo de diversas fórmulas
de combinación en busca dun fertilizante equilibrado para a produción
forraxeira.
Así,
Agroamb está en posesión da primeira autorización por parte da Consellería de
Medio Ambiente de Galicia para a posta en valor dos residuos biodegradables,
converténdoos, tras un proceso, en residuos biodegradables.
Ademais,
co seu compromiso pola innovación, o Grupo Agroamb é promotor da “Fundación
Blas do Carboeiro”, unha organización sen ánimo de lucro que ten como obxecto primordial a promoción,
programación, desenvolvemento e execución de actividades científicas,
tecnolóxicas, de investigación, etc., encamiñadas á posta en valor do paisaxe e
desenvolvemento sostible do medio rural.
Xa vedes, unha vez máis, que falar de rural ou de reciclaxe non é falar de actividades tradicionais. Para mellorar a competitividade e ser unha empresa con éxito tamén se require innovar e investigar novas formas de producir e de consumir abonos para a produción forraxeira, constituíndo, así, un elemento fundamental para o desenvolvemento rural.
Cres que é necesario innovar tamén no rural? Cres que son posibles formas alternativas de abonado e fertilizado para as terras de produción agrícola?
Paréceme moi interesante a labor desta empresa, sobre todo que promova actividades de desenvolvemento sostible do rural, xa que hai moitas empresas que se instalan neste medio e que so se limitan a producir, sen importarlle o efecto que a súa actividade pode ter no entorno.
ResponderEliminarPenso que a innovación é moi importante no medio rural, xa que é a principal forma de facer que este se desenvolva e que aparezan actividades distintas das tradicionais, que se creen novos postos de traballo e que se contribúa a frear o despoboamento que se está a producir neste entorno.
Por suposto, en pleno século XXI o éxito na creación de empresas pasa pola innovación. Esta empresa concentra estas instalacións nun lugar plenamente rural, o que contribúe non só ao desenvolvemento, senón á fixación de poboación que atopa nela unha alternativa laboral aos grandes desprazamentos á cidade máis próxima, o que en moitas ocasións se traduce en despoboamento. Así, ponse de manifesto o compromiso que deben ter as empresas non só co logro de beneficios senón tamén co entorno e a poboación cercana.
ResponderEliminarMoi importante a xestión de residuos, un negocio con futuro.
ResponderEliminarSen dúbida, é moi interesante a labor que está levando a cabo a empresa Agroamb no territorio rural, e debería de copiarse cara outras partes da nosa Comunidade Autónoma. O éxito dunha empresa nos tempos actuais, pasa por apostar pola innovación, como motor de crecemento, e coma mellor mostra disto, esta empresa e a túa investigación sobre ela.
ResponderEliminar